اله قلم آلمیشام
قافیه ده قالمیشام
اون بئش آیین اقساطین
من دالی یا سالمیشام
***
آیاق اوسته دویما وار
بوردا كلك قورما وار
اؤزگه یه نازلی دیلبر
بیزه بوغو بورما وار
***
كؤنولوم غمسیز اولماز
خوش گونوم سنسیز اولماز
منی ده بیر سال یادا
آدام گؤدنسیز اولماز!
***
سنین قیشین یاز اولدو
منیم یازیم آز اولدو
سنین همسایان دوكتور
منیمكی قوشباز اولدو
***
دینمه، حالیم قولایدی
تیرلریم والایدی
منیم بو ا یكی جیبیم
سنین بئنیوه تایدی!
***
سارالمیشام سولموشام
گؤز یاشینا دولموشام
هاوادا یاشاماقدان
»فضا نورد« اولموشام!
***
عزیزیم، برق گئتدی
غرب ایله شرق گئتدی
غم دریاسیندا فكیریم
بوغولدو غرق گئتدی
***
گؤیدن بیر اولدوز گلیر
شمع شب افروز گلیر
یادی ایشیقلاندیریر
تانیشا دوققوز گلیر!
***
وار یوخومو اكدیلر
جیبیمه سیریق چكدیلر
كاسیبلاری سویانلار
پالانسیز ائششكدیلر
***
ماتورو قیلپاجام من
آتمیش ایلدی آجام من
مرد ایگیت لر ایچینده
نامرده محتاجام من
***
قارلی داغلار آشایدیم
ائللرله آغلاشایدیم
نه اولاردی ازلدن
من سنه یاراشایدیم؟
***
روزگار بئله دؤندو
سازاقلار یئله دؤندو
عؤمور بویو آغلادیم
گؤز یاشیم سئله دؤندو
***
یولدا قالان گؤز اولدوق
دیله گلمز سؤز اولدوق
كؤمور یكمی آلیشدیق
آلاولاندیق كؤز اولدوق
***
منصور خانلویام من
ظاهر- باطن بویام من
آذربایجان یوردوندا
اهل »تكیانلو« یام من

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید